السلام عليكم ورحمة الله وبركاته
اولا:البنات
غرفتها تفتح النفس كلها ورديه واضاءات صفره
وهدوووء وثنتين في الغرفه وكل وحده انضف
وارتب من الثانيه ولما يدرسون كل وحده على
مكتبها وماينسمع لهم صوت يقرون بعيونهم بس
وتلعب بخصل شعرها بالقلم والجوال صامت
وقايله للبنات ولاوحده تتصل او تجي عندنااختبار
أما في الايام العاديه ويجون البنات عندهم وطبعا
كل وحده جايبه معها الاب حقها ووحده تسوي
قهوه ويجلسون على السجاده ويسولفون بكل
هدووووء وكل وحده تتكلم عن اهلها واخوانها
الي مشتاقه لهم واحسن الايام معاهم ولماتجي
الساعه 10يستأذنون البنات من نفسهم
ويروحون غرفهم ينامون واذا احتاجو يروحون
السوق يخصصون يوم ويخصصون من
هاليوم ساعات معينه وقبل مالوحده تروح لازم
تستأذن من اهلها عشان ضميرها>>طيب يالغبيه
محدبيدري سواء رحتي ولاانطقيتي بس مسويه
البنت المثاليه الي تستأذن من ابوهاخخخخخخ
واذا راحو المول
ولازم محلات معينه مثل:زاراونكست وبرمودا
ويحرصون ان ماتطلع اصواتهم(هذا اذاكانو بنات
دينين بس اذا داجين تشوف اصواتهم تتقدمهم )
ولمايروحون يداومون يصحون على منبه واحد
وصوته خفيف الساعه 4 الفجر على مايجهزون
عمرهم وطبعا من اول مايرن يصحون لان صخب
بالنسبه لهم وتقوم الاولى وتروح دورة المياه
والثانيه تجهز الكون فلكس ويفطرون ثنتينهم
ووحده تستشورشعرها والثانيه تحط ميك آب
ويلبسون العبايه والسواق ينتظرهم برا.
ثانياً:الشباب
غرفتهم تسدالنفس وعشره في غرفه وحده كل
واحد اغراضه عند الثاني من العفسه وازعااااج
وتعال شفهم لمايدرسون طبعاً ثنين الي فاتحين
الكتب ويقرون بصراخ عشان يسمعون نفسهم
من الزحمه الي عندهم والباقي يلعبون بليستيشن
كوره والصوت مطوول آخر شي وتشجيع مزعج
ولايجي قول عاد يطلعون الناس الي في السكن
من الازعاج وفي الايام العاديه ومافي فرق بين
الاختبارات والايام العاديه وماينامون ابد الا
الساعه 5الفجر والي ينام قبل كذا تروح عليه
من التصويروالمقالب والطق الي يجيه واذا جاو
يروحون المول عشره في سياره وتشوف مابقى
عطر ماحطه وشعره كيلو جل والتيشيرت بولو
والببي معلق على الصدر والنظارات وهذا وجهي
اذا شروا شي للقز رايحين ولما يداومون يصحون
على منبه الجوال وسنه على مايقومون يعني
الجوال فضت بطاريته وهم ماقامو بعدين يصحا
واحد منهم (طبعا الدفره حقهم خخخخخ) يكب
عليهم ماي ويقومون عليه كلهم طق<<مسكين
وتكون الساعه8 ومتأخرين وحالتهم حاله ولا
فطور ولا شي واصلا مايمدي ويروح واحد
ركض يشغل السياره ويوديهم وطبعا يلبسون
اللبس في السياره اذا كانت سنه تحضيريه
واذا كان معديها يروح بثوب نوم خخخخخ
وآخر شي مايدخلهم الدكتورللمحاضره.